Həkimlər Almaniyada iş axtarmaq üçün və ya FSP imtahanında iştirak etmək üçün maksimum 180 günlük Milli vizaya müraciət edə bilərlər. Vizanın Almaniyada uzadılması mümkündür.Bunun üçün sizin ciddi səbəbiniz olmalıdır (FSP imtahının termini, iş icazəsinin alınması və s.).Viza üçün ilk öncə sənədləri hazırlamalı və sonra görüş (Termin) götürüb sənədləri təqdim etməlisiz.Bunun üçün birbaşa səfirliyin öz saytından https://service2.diplo.de/rktermin/extern/choose_realmList.do?request_locale=de&locationCode=baku müraciət etməlisiniz. Sənədləri səfirlikdə birbaşa təqdim edirsiniz.Viza rüsumu 75 EUR manatla (qiymətlər dəyişə bilir) ödənilir. Azərbaycan və ya digər xarici dildə olan sənədlər Alman dilinə tərcümə olunu (Azərbaycanda notarial qaydada təsdiqlənmiş tərcümələr və ya andlı tərcümə). Sənədlərin işlənilmə müddəti 1 həftədən 2 həftəyə və daha çox çəkə bilər. İş axtarmaq üçün Milli vizaya müraciət üçün aşağıdakı sənədlər tələb olunur:
1.Xarici pasport (ən azı 3 ay etibarlılıq müddəti olmalı;ən azı 2 səhifəsi boş olmalıdır)
Əsli və 2 ədəd surəti (əsas səhifə, möhür və qeyd olan səhifələrin)
2.Şəxsiyyət vəsiqəsi
Əsli və 2 ədəd surəti (hər iki üzü)
3.Ərizə forması və 54-cü maddə
Ərizə formasını səfirliyin saytında online şəkildə doldurulur daha sonra print olunur 2 ədəd. (https://videx-national.diplo.de/videx/visum-erfassung/#/videx-langfristiger-aufenthalt)
4.Biometrik pasport şəkli
Ərizənin üzərinə yapışdırılır. 2 ədəd, ölçüsü 3.5x4.5 olur.
5.İş görüşlərinizə dair yazışmalar, iş görüşünə dair dəvətlər
5.1. Və ya FSP imtahanına rəsmi dəvət
Əsli və 2 ədəd surəti
6.Qalacaq yerə aid sənəd
Hotel bron edirsiz; əsli və 2 ədəd surəti
və ya iş görüşlərində Klinika tərəfindən verilən otaq bronları
7.Sığorta
Almaniyaya giriş günündən çıxış gününə kimi qüvvədə olmalıdır, 180 günlük olmalıdır.Əsli və 2 ədəd surəti
Almaniyada tanınan sığortalar (Dr. Walter, Allianz və s.)
8.Alman dili Sertifikatı minimum B2 səviyyə
Yalnız beynəlxalq sertifikatlar keçərlidir (Telc, Goethe və s.); əsli və 2 ədəd surəti
9.Səfər xərclərinin maliyələşməsi
Yalnız Alman banklarında bağlı hesab (Sperrkonto) açıb , məbləği hesaba köçürdükdən sonra hesabdan çıxarış və ya təsdiq sənədi print edirsiniz; əsli və 2 ədəd surəti. Hesabda təxminən 5900 Avro olmalıdır (1 ay üçün hazırda 947 Avro tələb olunur, ətraflı səfirliyin saytına bax!)
10.Diplom və diplomdan sonrakı ixtisaslamaya aid sənədlər (Rezidentura, İnternatura və s)+ İş icazəsi müraciətinin təsdiqi (Eingangsbestätigung Berufserlaubnis)
Tərcümə olunur (azərbaycan dilində olan sənədlər, andlı tərcümə və ya Azərbaycanda notarial qaydada təsdiqlənmiş), əsli və 2 ədəd surəti
11.İş yerindən arayış
İşləyənlərə aiddir;arayış tərcümə olunur (azərbaycan dilində olan sənədlər, andlı tərcümə və ya Azərbaycanda notarial qaydada təsdiqlənmiş), əsli və 2 ədəd surəti
12.Tərcümeyi-hal
Alman dilində 2 ədəd
13.Motivasiya məktubu
Almaniyadakı planlarınız haqqında ümumi məlumatlar toplusudur. (nümunəni saytımızdan yükləyə bilərsiniz)
14.Viza rüsumu
75 Avro sənədləri səfirlikdə təqdim etdikdə ödənilir. (manatla)
15.Diplomun təsdiqi
Həkimlik fəaliyyəti üçün iş yeri axtararkən: xarici təhsil diplomunun səlahiyyətli orqan tərəfindən rəsmi tanındığını sübut edəcək sənəd. Sənədlərin tanınması üçün hansı idarənin cavabdeh olduğunu bu internet səhifəsindən araşdıra bilərsiniz: www.anerkennung-in-deutschland.de (Bu barədə saytımızda və facebook səhifəmizdə ətraflı yazmışıq)
ƏLAVƏ SƏNƏDLƏR
16.Hal-hazırda iş yeri olmayanlar
Valideynlərin, həyat yoldaşın və ya maliyələşdirən digər şəxsin iş yerindən arayış təqdim edə bilərsiniz; tərcümə olunur (azərbaycan dilində olan sənədlər, andlı tərcümə və ya Azərbaycanda notarial qaydada təsdiqlənmiş); əsli və 2 ədəd surəti
17.Əmlaka dair sənəd
Əgər adınıza hər hansı bir daşınan və ya daşınmaz əmlak varsa ona aid sənədi təqdim edə bilərsiniz; tərcümə olunur (azərbaycan dilində olan sənədlər, andlı tərcümə və ya Azərbaycanda notarial qaydada təsdiqlənmiş); əsli və 2 ədəd surəti
18.Övladı olanlar
Əgər ailədən tək valideyn və ya hər iki valideyn İş axtarma vizası ilə gedirsə və uşaqlar Azərbaycanda qalırsa bu halda uşağın yanında qalacağı adama etibarnamə verilir; tərcümə olunur (azərbaycan dilində olan sənədlər, andlı tərcümə və ya Azərbaycanda notarial qaydada təsdiqlənmiş); əsli və 2 ədəd surəti
