FSP Termini ilə alınan Viza

Hal-hazırda hərkəsi maraqlandıran FSP-imtahanı ilə viza almağın qaydasını və bir sıra sualların cavabını izah etmək istərdik.

Bu viza Visum D yəni Milli vizadır. Viza Almaniyada uzadıla bilər, bunun üçün FSP-imtahanını verdikdən sonra Almaniyada iş tapmalı və Klinikadan Einstellungszusage və ya İş müqaviləsi almalısınız. Viza keçərlilik müddətində Almaniyada hər hansı bir klinikada  Praktika etmək və ya hər hansı bir hazırlıq kurslarına qatılmaq mümkündür. Vizanın müddəti 3 aylıqdır, vizanın başlama tarixi İmtahan günündən əvvəl olmalıdır, neçə gün öncə olması vacib deyil

     Vizaya müraciət üçün aşağıdakı sənədləri təqdim etmək lazımdır:

1.  Viza üçün əsas şərtlərdən biri FSP imtahanına dəvətin olmasıdır. Dəvət yalnız rəsmi dəvətnamə şəklində və konkret gün qeyd edilməklə olmalıdır. Mail ilə yazılan təsdiqlər və ya konkret gün bəlli olmayan dəvətlər qəbul edilmir. (Məsələn, Bayerndə rəsmi dəvət imtahandan 1 ay öncə bildirilir, ancaq imtahan keçiriləcək ayın adı bir neçə ay öncədən bilmək olur.)
2.  Viza üçün Alman bankında bağlı hesab (Sperrkonto) açılmalı və 3 ay üçün 3030 Avro məbləğ qoyulmalıdır (Fintiba üçün belədir, 3 x 947 EUR + əlavə rüsum)
3.  Xarici pasportun və Şəxsiyyət vəsiqəsinin surəti
4. Ərizə formasl Milli viza üçün
5.  Üzərinə biometrik şəkil vurmaq
6. 3 aylıq səyahət sığortası
7.  Diplom, əsli və tərcüməsi, surətləri
8. Hotel bronu minimum imtahan gününə kimi
9.  Beynəlxalq Alman dili sertifikatı minimum B2 səviyyədə (Telc, Goethe və s.)

Qeyd: bu məlumatlar Alman səfirliyi və Miqrasiya idarəsi ilə əlaqə saxlandıqdan sonra, səfirliyin təqdim etdiyi siyahı üzrə hazırlanıb. Əlavə məlumatlar üçün səfirliklə əlaqə saxlaya bilərsiniz. (www.baku.diplo.de)